Det er no like før ein kan setje i gong arbeidet med få på plass tilbygget ved Stordalshallen. Etter ein grundig prosess har ein kome fram til planløysingar, ein vonar skal fungere optimalt. Til liks med så mange tidlegare prosjekt her, vil dugnad kome til å utgjere ein betydleg del.    

I løpet av perioden frå og med i dag og fram til den 6. oktober, kan du vere med på heile 16 turar, i lag med Stordal Turlag. I kveld går turen frå Dyrkorn og til garden i Stamneset. Turlaget stiller med turleiar kvar gong. Turlaget melder også om at årets "Kassejakt" starta opp 1. mai.

Laurdag den 27. april arrangerte ITF Valldal Taekwon-Do, seminar og gradering i Stordalshallen. Klubben har 26 medlemmar der 9 av dei kjem frå Stordal.  

Førre måndag var det oppstart av Linedance-trim for damer 30 +. Heile 35 damer frå 30 år og oppover møtte opp! Dermed vart frivilligsentralen faktisk for liten, sjølv om denne i utgangspunktet har rikeleg med areale. Den enorme interessa gjer difor at aktiviteten vert flytta til Stordalshallen, frå og med 6. mai.

Sjølv om det ikkje vart sett rekord denne gongen, var det likevel godt over 200 som deltok på den tradisjonsrike sykkeltrimmen 1. mai. I den sterke vinden og det kalde veret, er dette like fullt ganske så imponerande. 

I eigen reportasje nyleg, kunne vi med glede meddele at Stordal Folkedansgruppe har sparka i gong vedlikehaldsdugnaden ved Stordalshallen. I går kveld var dei i aksjon igjen!

Måndag 29. april kl 18.00 inviterer Stordal ungdomsråd til informasjonsmøte om skatepark. Møtet vil gå føre seg på Stordal ungdomsklubb og Henning Braaten, som er 5 x verdsmeister i streetskating vil vere tilstades. Representant frå Scansis, som kan vere ein aktuell leverandør, deltek også.

Måndag 29. april kl 20.30, vert det starta opp eit nytt aktivitetstilbod på frivilligsentralen. Då vil det bli muligheit for damer mellom 30 og 100 år å svinge dansefoten!

Då kan vi presentere ein ny kulturkalender. I denne vil ein finne ein heil del av det som skal skje, utanom dei meir faste aktivitetane kvar veke. Ver likevel merksam på at det er mange arrangement som vil kome til etterkvart, då ikkje alle detaljar er på plass. Eit god døme på dette er Kyrkjehola Kulturbeite sitt sommarprogram, som vi sjølvsagt gler oss veldig til å få presentert.

Øvre Stordal Vel er neste lag/org ute med ny heimeside. I tillegg har velforeininga også oppretta eigen profil på facebook.