Kontaktlærar for klassa, Odd Einar Kalvø, melder at det var eit forferdeleg syn som møtte tiandeklassingane då dei torsdag 14. juni gjekk laus på rydding etter Dagmar. Turstien mellom Øvrebust og Storheim var ikkje farbar etter at sintedama som passerte i vinter hadde velta eit utal graner som låg i store vasar. Det var eit trist syn.
Men med pågangsmot og utprøving av krefter vart det etter kvart hol i granvasane som låg i råsa. Etter at trea var felte og oppkutta, gjekk dei ivrige ungdomane i gong med å bere vekk. No er råsa nesten farbar. Berre noko smårydding står att frå Holt og framover. Men tida strekte ikkje til for å gjere arbeidet heilt ferdig. Den flinke dugnadsgjengen vonar difor at nokre ivrige friviljuge tek seg av resten.
Godt jobba!