Den er med stor glede ein no kan meddele at hjertestartar er på plass i foajeen i Stordalshallen. Utstyret vart levert i går og samstundes gjennomførte ein eit fire timars kurs i bruken av hjertestartaren, for 10 personar.

I går var det nøyaktig 15 år sidan den fantastiske opningsfesten i Stordalshallen. Laurdag den 25. januar 1997, var heile idrettshallen fullsett. I tillegg til at alle i vår kommune var på plass, var det også mange inviterte gjestar utanfrå. For fem år sidan hadde vi stor markering av at Stordalshallen runda 10 år og om vi ikkje legg opp til like omfattande feiring no, er det uansett på sin plass å markere dette med ein reportasje.  

NAV- Storfjorden har fått prosjektmidlar gjennom fylkesmannen til førebygging og arbeid mot barnefattigdom i dei fire kommunane Skodje, Ørskog, Stordal og Norddal.
Målet er å sikre velferd og inkludering og hindre marginalisering på lengre sikt.