Publisert 09.02.2016
NRK Møre og Romsdal

NRK Møre og Romsdal hadde bestemt seg for å legge turen til Stordal i går. Målet var å lodde stemninga i høve prosessen kring kommunereforma. I løpet av opphaldet fekk dei prata med mange og dei var også innom Stordalshallen der dei m.a. fekk treffe elevane i 7. klasse.

Publisert 08.02.2016
Stordal Pistolklubb - 2008

Torsdag 10. mars skal Stordal Pistolklubb avvikle årsmøte. Det er liten tvil om at dette møtet vert viktig og kanskje ikkje minst vert perioden fram til møtet nettopp det. Det er nemleg slik at det pr dato ikkje er nokon som står klar til å overta leiarvervet og dermed står ein i fare for å måtte leggje ned klubben. 

Publisert 27.01.2016
Stordalscup 2014

Det er for lengst bestemt at Stordalscup 2016 skal gå av stabelen første helga i juli, altså frå fredag den 1. t.o.m søndag den 3. juli. Det er vel få eller ingen som ikkje er klar over at vi då snakkar om folkefesten over alle folkefestar - og at det no faktisk nærmar seg 40 års- jubileum for dette suverene arrangementet, der nærare 300 frivillige stiller opp. No er det også opna opp for påmelding til fotballturneringa, som sjølvsagt er høgdepunktet for mange.

Publisert 25.01.2016
10. klasse Stordal skule

Det er som vanleg 10. klasse ved Stordal skule som står for gjennomføringa av UKM her i Stordal kommune. Då snakkar vi naturlegvis om lokalmønstringa og som åra før er det første helga i vinterferien det skjer og då sjølvsagt i Stordalshallen.

Publisert 22.01.2016
Folkemøte - kommunereform januar 2016

Det tredje folkemøtet med kommunereforma som tema, vart avvikla i Stordalshallen torsdag den 14. januar. Folkemøtet var organisert etter eit opplegg kalla "Open Space" og nærare 80 stordalingar var på plass.

Publisert 22.01.2016
Basar januar 2016 - Stordal Hornmusikklag

Det har blitt ein fast tradisjon at Stordal Hornmusikklag inviterer til basar og minikonsert, tredje fredagen i januar. Også denne gongen vert det meldt om god oppslutning og som vanleg bydde også hornmusikken, i lag med skulekorpset, på fin minikonsert. 

Publisert 18.01.2016
Årsfest 2016

No kan du halde deg oppdatert på det som skjer framover mot laurdag den 27. februar. Dalingane har nemleg oppretta ei hending på facebook. Det er sjølvsagt suverent om du deler denne med alle dine venner, slik også dei kan merke av datoen.

Publisert 18.01.2016
Ålesund Sportsdrill

Denne helga var det ei tropp frå Ålesund Sportsdrill som besøkte Stordalshallen. Det var den eldste gruppa i laget og denne gjengen satsar verkeleg hardt på idretten sin. Dei deltek m.a. på EM rundt om og det neste målet no er å kvalifisere seg til VM!

Publisert 18.01.2016
Grendacup 2015

Etter at fotballgruppa fekk gjennomført møte sist veke, er det no klart når dei ulike fotballaga har treningstid inne i idrettshallen. I tillegg til desse tidene, presenterer vi no også ei ny totaloversikt over det meste ein kan vere med på innan kulturområdet i Stordal kommune.

Publisert 15.01.2016
Årsfest 2009. Sander van Zwieten i aksjon

For 19. året på rad, vert Årsfesten for Stordalshallen arrangert, laurdag den 27. februar. Det er "dalarane" som er arrangør dette året og vi er sikre på at dei aller fleste alt har sett ein stor ring rundt denne datoen i vinterferieveka!

   

Kontaktinformasjon

Stordalshallen Kommunehuset
6250 Stordal
E-post : hallgeir.hove@stordal.kommune.no
Telefon
: 70279123

Mobil
: 90949358
Levert av ACOS AS
Ansvarleg redaktør Lars Joranger      Nettredaktør Hallgeir Hove