I går kveld starta Barnas Supersommar opp, med både songseminar og med tae kwon do på programmet. Ikkje vanskeleg å sjå at begge deler fell i smak. I kveld held vi fram med minidisko på ungdomsklubben. Elles registrerer vi at det på det næraste er fullteikna når det gjeld deltakande lag på Stordalscup! Heile 91 lag er påmeldt no!

Sist fredag kunne dugande 9. klassingar ved Stordal skule presentere resultatet av årets gründercamp. Elevane var delt inn i fire grupper, som hadde fått kvar sine problemstillingar og oppdragsgjevarar. Til liks med tidlegare, imponerte elevane og juryen fekk ikkje noko enkel oppgåve når dei skulle rangere dei fire gruppene.

Denne helga har 22 av Møre og Romsdal skikrets sine kretsløparar i langrenn gjennomført samling i Stordal. Som vanleg hadde dei base i Stordalshallen og kretslagstrenar, Pål Bjørn Øvrebust, kan igjen konstatere at akkurat det fungerer glimrande.