Ingrid Røren vart tilsett som lærar i Stordal kommune - ved dåverande Vinje skule - hausten 1972. Ho gjekk over i pensjonistane sine rekker sist sommar - etter 40 års samanhengande teneste som lærar i kommunen. Dette vart markert under ei tilstelling på skulen 3.januar. Det var ordførar Charles Tøsse som stod for overrekkinga - både ei verbal helsing og gåve med tilhøyrande blomster.

Nokre born vil, tidvis eller permanent, vere avhengige av legemiddel. Ved Stordal skule har det vore vanleg praksis at personalet hjelper til med utdeling av medisin, men lover og regelverk gjer det nødvendig å formalisere dette meir enn tidlegare. Formålet med det arbeidet som no er utført ved skulen, er å medverke til gode rutiner og god kommunikasjon mellom foreldre/føresette og skule/SFO. Dette for å sikre ein god og sikker medisinering av borna i skule/SFO.