Publisert 11.09.2014
2014-09-10 18

I forbindelse med eit prosjekt knytt til Kulturminnedagen som skal markerast i bygdetunet laurdag 20.september, var jentene i 10.klasse i Playground studio og song inn ein salme av Niels Olsen Svee. På førehand hadde Robin Aasen spelt inn trøorgel-komp på Bedehusloftet, og så la jentene sangstemmer opp på det. Nokre av dei mannlege lærarane fekk bidra med litt grovare røyster.

Publisert 08.09.2014
SAM_6221

Forrige veke hadde 9.klasse 3 supre dagar på Ytste-Skotet. Fint ver og god stemning - med aktivitetar som hesjing, vedhogst, flatbrødbaking og soving på stabbur og i høyet på låven. 

Publisert 05.09.2014
SAM_2377

Mellomtrinnet hadde ein svært vellykka oppstartstur til Mebustsætra og Mebustegga torsdag 28.august. På Mebustsætra var det pølsegrilling, nistemat, leik og moro med "boksen går" og vassing i elva som stod på programmet. Oppe på Mebustegga fekk dei nyte den flotte utsikta over Dyrkornvatnet. Ein flott tur i stråalde sol - og med strålande lærarar og elevar :-)

Publisert 05.09.2014
bispevisitas

Sist onsdag var biskop Ingeborg Midttømme på bispevisitas i Stordal, og ho besøkte då ungdomstrinnet ved Stordal skule. Alle ungdomsskulelevane var samla i amfiet, og dei hadde førebudd spørsmål til biskopen - både knytt til arbeidet som biskop, til religion og til aktuelle politiske spørsmål. Inntrykket var at både biskopen og elevane var fornøgd med stunda.

Publisert 02.09.2014
2014-08-30 11

Ja, det vart ei innhaldsrik overnatting på Langsætrane for ungdomsskuleelevane våre! Som ein sosial oppstartsaktivitet hadde lærarane lagt opp til ein spennande lavvotur, der det var haugen på med både praktiske og kjekke aktivitetar; lavvoane skulle settast opp, suppe skulle kokast, det skulle badast, rusleturar med filisofering og læring høyrer med, dugnad med fysisk arbeid på badeplassen, leiren må ryddast skikkeleg og så blei det tid til både litt nytt og gammaldags snop på Langsæterdagane. Både lærarar og elevar er supre ambassadørar for Stordal skule!

Publisert 21.05.2014

Samarbeidsutvalet ved Stordal skule har vedtatt SFO- og skulerute for 2014/2015. Her har du oversikta over skuledagar og skuleferiar for neste skuleår. Framlegget er identisk med fylket sitt framlegg med unntak av skulefri fredag 12.september, som vi tar igjen med skuleavslutning på kveldstid før jul. Dette inneber ikkje noko ekstra skyssutgifter for kommunen.
NB! Pga. ein saksbehandlingsfeil har det blitt gjort ei administrativ endring når det gjeld fridagen i september; dette er no fredag 12.september!

Publisert 26.10.2012
Telefon

Vi er etterkvart på plass på nyskulen, og her er telefonnummera som de lettast kan nå oss på heretter:
702 79 170 - Hovudnummer (ringer på alle tre kontora)
702 79 171 - Rektor
702 79 172 - Inspektør
702 79 173 - Rådgjevar
95 80 78 89 - SFO-avdeling
97 53 35 47 - arbeidsrom lærarar 1. - 4. klasse
97 53 35 45 - arbeidsrom lærarar 5. - 7. klasse
91 60 97 20 - arbeidsrom lærarar 8. - 10. klasse

   

Kontaktinformasjon

Stordal skule Kommunehuset
6250 Stordal
E-post : bjornar.midtbust@stordal.kommu..
Telefon
: 70279170

Skriftstørrelse

a - a - a
Levert av ACOS AS
Ansvarleg redaktør Lars Joranger      Nettredaktør Bjørnar Midtbust      Teknisk ansvarleg Bjørnar Midtbust