Fakta om Stordal

 
  Seljebotntinden er høgste fjellet i kommunen med 1531 moh.
    Dagens fakta

Nyheiter frå NRK Møre og Romsdal

   
Publisert 21.06.2017
Jonsok i Stordal 2016

Ja, du las rett, sjølv om veret skulle tilseie at vi skriv oktober. Men vi får sjå det positive i det og konstatere at den store brannfaren, ser det i alle fall ikkje ut til å bli. Så satsar vi på veromslag, for det vert sjølvsagt lagt opp til feiring, både på Dyrkorn og i Stordal.  

Publisert 21.06.2017
Stordalscup 2017 - etter kampen mellom Ørskog og Spjelkavik

Den 37. utgåva av Stordalscup er vel i hamn og arrangørane har verkeleg orda sine i behald, når dei omtalar dette arrangementet som ein folkefest. Årets utgåve samla faktisk så mykje folk at ein kan lure på om det ikkje nærma seg rekord. Med heile 90 deltakande lag og med så mykje som skjer også utanom fotballen, er det ikkje rart det ver folksamt. Sjølv om det ikkje var gnistrande sol heile helga, vart det heller inga utfordring vermessig.

Publisert 21.06.2017

Vi legg ut denne presiseringa/påminninga vedr ordninga som omhandlar tilskot av spelemidlar til løypetiltak i fjellet og overnattingshytter. Merk at søknadsfristen her er sett til den 1. november 2017.

Publisert 19.06.2017
REMA 1000 - Digernes

Det kjem stadig fleire verksemder med på vinnarlaget vårt. Denne gongen er det den flotte butikken til REMA 1000 på Digernes, vi har gleda av å ynskje velkomen og vi legg ikkje skjul på at vi synest dette er stor stas. Vi trur heller ikkje at det er tilfeldig at vi - bokstaveleg talt - kan "skilte med" at vi har over 100 samarbeidspartnarar på lag med oss.

Publisert 19.06.2017
vårpåsmitaket.jpg

Sommarsesongen har starta opp ved Ytste Skotet og avdelingsleiar Kirsi Räty melder om særs stor aktivitet også dette året. Mange skuleklassar og verksemder har alt vore på besøk og to museumssøndager er alt unnagjort. Neste museumssøndag blir den 25. juni. Kirsi fortel vidare at dei har både geitekilllingar, sau med lam, høner og kattar og på ein slik museumssøndag er det mykje spanande å få vere med på.

Publisert 16.06.2017
Stordalscup - foto frå Fjelladalen

Då er det endeleg klart for Stordalscup 2017. Dette er, som tidlegare skrive, den 37. utgåva av det som etterkvart har utvikla seg til å bli ein einaste stor folkefest. Det startar altså i dag med karnevalopptog frå sentrum og til stadion, med seriekamp for herrelaget og med flotte innslag frå utescena. Etterkvart vil også "Innertier" dukke opp der. Så blir det full pakke resten av helga og då både for dei som er interessert i fotball og alle andre.

Publisert 15.06.2017
Karlsen Kiropraktikk

Fred Karlsen er ein autorisert kiropraktor og medlem av Norsk Kiropraktorforening med eigen, moderne klinikk på Skodje kjøpesenter. Det er verd å merke seg at han også har kontor på Fysiotrimmen i Sjøholt sentrum. Karlsen har fleire års relevant erfaring fra Kiropraktorsenteret i Førde, men har starta for seg sjølv på Sunnmøre. Det er sjølvsagt verd å merke seg at også Karlsen Kiropraktikk ynskjer verte ein del av vinnarlaget vårt!  

Publisert 14.06.2017
May Britt Haukås, Sunnmøre friluftsråd

Onsdag 21. juni blir den siste dagen før ferien, med aktivitet på Naturmøteplassen (i Rystene) i Stordal sentrum. Då kan du møte May Britt Haukås, kjend m.a. frå Naturtelefonen på NRK. Det er som vanleg mellom kl 12.00 og kl 14.00 det skjer.

Publisert 12.06.2017
Big Valley Voices - Disney Voices 2017

Big Valley Voices hadde valgt musikk frå Disney-klassikarar som tema, til sommarkonserten sin fredag 9. juni. Vi kan trygt slå fast at dei klarte å skape ei rett flott "Disney-stemning" og vidare konstaterer vi at det er høgt nivå på framføringa. I tillegg til at damene sjølve vert stadig flinkare, bidrog naturlegvis også bandet på fire og eigen gjestesolist til at dette verkeleg vart ei flott oppleving. Ståande applaus frå salen, stadfesta dette.

Publisert 12.06.2017
Gursken Skulekorps

Denne helga var det Gursken Skulekorps som vitja Stordalshallen og for eit korps dette var! Ikkje berre var dei mange, med nærare 50 musikantar og totalt nærare 60 personar, men i tillegg virka dei vere ein einaste stor familie. I tillegg til at det var tettpakka program ved Stordalshallen, tok dei seg også tid til å halde konsert på allmenningen i Stordal, på laurdagen.  

Publisert 08.06.2017
Skulptur møbelindustriarbeider - skisse

Stordal sin eigen biletkunstnar, Ola Stavseng, har fått i oppdrag å utarbeide ei skisse til ein skulptur som skal vere eit monument over den sterke møbeltradisjonen i Stordal - frå den handverksmessige starten og fram til dagens moderne møbelindustri.

 

 

 

 

Publisert 08.06.2017
Temakveld - Ungdata

Det var noko så viktig som korleis våre eigne born og unge har det, som var tema for møtet i Stordalshallen i går kveld. Rita Valkvæ, frå Kompetansesenter Rus Midt-Norge, var på plass og ho kunne m.a. også presentere ein del av resultata frå den store ungdomsundersøkinga gjennomført tidlegare i år. 

Publisert 06.06.2017
Barnas Supersommar 2017 - program, framside

Sjølvsagt blir det "supersommar" også dette året! Stordal kommune er, som kjent, Barnas kommune og også denne sommaren byr vi på mange kjekke aktivitetar for både små og store. 

Publisert 06.06.2017
Gursken Skulekorps

Når vi no er i full gong med nedtellinga til Stordalscup 2017 og samtidig ser fram til eit nytt flott sommarshow med Big Valley Voices, kan vi også avsløre at Gursken Skulekorps legg turen hit til oss komande helg. Dei skal då gjennomføre øvingshelga si ved Stordalshallen. Stordalingar og andre, kan m.a. sjå fram til konsert med det flotte korpset i Stordal sentrum (Allmenningen), kl 14.00 på laurdagen.

Publisert 01.06.2017
Stordalscup 2009. Oversiktsbilde I

I dag kan vi presentere programmet for Stordalscup 2017. Vi er så freidige at vi omtalar Stordalscup som ein folkefest og meiner vi har grunnlag for nettopp det. Ja, faktisk hevdar vi at dette er "Folkefesten over alle folkefestar!" Når vi ser på dette programmet, er det grunn til å hevde at vi har dekning for å gjere nettopp det og.

Publisert 01.06.2017
Ungdata-undersøkinga 2017

I slutten av mars, deltok elevane på ungdomssteget i ei landsomfattande undersøking der målet var å finne ut korleis det er å vere tenåring, både i Stordal og i Noreg. No ligg resultata føre og på temakvelden - i Stordalshallen, onsdag 7. juni - vil m.a. desse bli presenterte av Rita Valkvæ frå Kompetansenter Rus Midt-Norge.

Publisert 29.05.2017
Bumperz.jpg

No startar vi for alvor nedtellinga til Stordalscup. Når ein ser på alt det som skal skje denne gongen, kan vi med rette framleis kalle dette for folkefesten over alle folkefestar. Mykje nytt og spennande er på plass denne gongen og påmeldinga til fotballturneringa har også vore veldig god. Der er det på sin plass å minne om at fristen er sett til måndag 5. juni og rett etter den tid blir kampoppsettet presentert. Dermed hastar det no med å få meldt seg på.

Publisert 24.05.2017
Big Valley Voices - Disney Voices

For ganske så nøyaktig eitt år sidan, hadde Big Valley Voices sommarkonsert i Stordalshallen. Det var mykje publikum i hallen og alle var dei enige om at dette ville dei ha meir av. Det var i januar, året før, at BVV hadde si konsertpremiere. Den første sommarkonserten - eller sommarshowet, for å vere meir presis - kom i juni samme året. Men fredag den 9. juni står dei altså klare att på scena i Stordalshallen, og då med det spennende sommarshowet dei har kalla for "Disney Voices!" Vi merkar oss også at dei stiller med eige orkester denne gongen.

Publisert 28.11.2016
Julegrantenning 2016

Julegrantenninga i går kveld vart av det stemningsfulle slaget. Etter fleire dagar med nedbør og ein del heftige byger, også tidlegare på dagen, vart det rett så fint når klokka nærma seg 17.00 og det var mykje folk på plass på Almenningen. 9. klasse ved Stordal skulle stod bak det flotte arrangementet, som etter gongen rundt julegrana, held fram med ei triveleg stund ved frivilligsentralen.  

Publisert 18.10.2016
Naturmøteplassen i Rystene

Onsdag 19. oktober kl 12.00-14.00 er det oppstart for Naturmøteplassen på Rystene i Stordal. Naturmøteplassen skal vere ein møteplass i friluft, der alle som har lyst og anledning kan kome og ta ein kaffikopp rundt bålet.

Publisert 07.10.2016
Jubileumskonsert Stordal Hornmusikklag, jan 2011. Gåve

Endeleg kan vi presentere ei ny oversikt over arrangement framover og som vanleg er det rett så imponerande greier dette her. Då siktar vi både til talet på arrangement og kvaliteten på dei. Dei neste månadane kan vi i tillegg gle oss til å delta på ikkje mindre enn tre flotte jubileum!  

   

Søk

Kontakt oss

Stordal kommune
Besøksadr.: Stordalsvegen 550 Postadr.: Kommunehuset
6250 Stordal
E-post : postmottak@stordal.kommune.no
Telefon
: 70279100

Beredskap
: Sjå venstre meny

Skriftstørrelse

Normal skriftstørrelse Større skriftstørrelse Størst skriftstørrelse

Snarveier

  • Utskriftsvennlig versjon SkilleTegn
  • Kontakt oss SkilleTegn
  • Legg til favoritter

Galleri

dscn1426
dscn1426
Levert av ACOS AS